როგორ დაეხმარა კორონავირუსის პანდემია, საქართველოს ტურისტული პოტენციალის წარმოჩენაში

კორონავირუსთან, ეფექტურმა ბრძოლამ საქართველოს უსაფრთხო ქვეყნის იმიჯი არა მარტო კავკასიაში, არამედ მთელს ევროპაში შეუქმნა. პანდემიასთან სწრაფმა გამკლავებამ ჩვენი ქვეყნის რეიტინგი წინ წამოწია, რასაც თავიდანვე არაერთი ქვეყნის წარმომადგენელი უსავმდა ხაზს.

 კორონავირუსის გავრცელებიდან რამოდენიმე კვირაში, ჩნეთის ელჩი განცხადებას აკეთებს, სადაც აღნშნავს საქართველოს ინფექციისგან თვდაცვის ძალისხმევას. ასევე ევროკავშირის ელჩი, კოვიდ-19-თან დაკავშირებულ ღონისძიებებსა და ჯანდაცვის სისტემის მზადყოფნას დადებითად აფასებს და საქართველოს მთავრობას მხარდაჭერას უცხადებს.

„ეს კრიზისი არა მხოლოდ ადამიანების ჯანმრთელობას შეეხება, არამედ უდიდესი გამოწვევაა ეკონომიკისთვის. ჩემთვის დიდი პატივია, ვიმუშაო სხვა საერთაშორისო პარტნიორებთან ერთად – საქართველოს მთავრობის ხელმძღვანელობით – საჭიროებებისა და სამომავლო გზების გამოსავლენად. ევროკავშირი საქართველოს გვერდითაა. ევროკავშირი საქართველოს ყველაზე მსხვილი დონორი და ყველაზე ძლიერი პარტნიორია და ეს მომავალშიც გაგრძელდება“, – ნათქვამია მიმართვაში

პირველად, როდესაც საქართველოში კორონავირუსის არცერთი შემთვევა არ ფიქსირდებოდა, ხელისუფლების სწრაფ ღონისძიებებს მიაწერეს. ხოლო შემდგომ როდესაც პანდემიამ მთელი მსოფლიო მოიცვა და 298,185 ადამიანი იმსხვერპლა, მთელი ქვეყნის მასშტაბით, საქართველოში მხოლოდ 12 გარდაცვალების და 652 დაინფიცირების შემთხვევა ფიქსირდებოდა, რაც მთელი ევროპის მასშტაბით მიზერულ მონაცემებად ითვლება. არსებული ეპიდვითარება საქართველოს ტურისტულ პოტენციალს ამაღლებს და ამ დრომდე ბევრად მნიშვნელოვან ტურისტულ ქვეყნებზე წინ აყენებს, რასაც ჩვენი ქვეყნის საკეთილდღეოდ იყენებენ ხელისუფლების წარმომადგენლები.

საქართველოს პრეზიდენტმა ფინელ კოლეგას ტურიზმის მიმართულებით საქართველოს ხელისუფლების მიერ შემუშავებული გეგმა გააცნო და აღნიშნა, რომ ტურიზმის სფეროში საქართველოს და ფინეთს უფრო მჭიდრო  თანამშრომლობა სჭირდებათ.

პრეზიდენტებმა საქართველოს ევროინტეგრაციისა და ოკუპირებული ტერიტორიების შესახებ ისაუბრეს და სალომე ზურაბიშვილმა განაცხადა, რომ მიმდინარე კრიზისი საქართველოსათვის ევროკავშირთან ურთიერთობების გაღრმავებისა და ევროპისაკენ კონკრეტული ნაბიჯების გადადგმის შესაძლებლობაა.

საქართველოს ტურისტული შესაძლებლობების გამოყენების პერსპექტივას, ეკონომიკისა და მდგრადი განვითარების მინისტრმა, ნათია თურნავამ გაუსვა ხაზი.

საქართველო გახდება ერთ-ერთი პირველი, ვისაც სულ უფრო მეტი ქვეყანა დაასახელებს მომავალში იმ მიმართულებად, სადაც მათი ტურისტები ჩამოვლენ, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის სხდომის შემდეგ გამართულ ბრიფინგზე განაცხადა.

მინისტრის თქმით, პრემიერ - მინისტრის დავალებით, მთელი მთავრობა და პირველ რიგში, ეკონომიკის სამინისტრო, პერმანენტულ კომუნიკაციაშია კოლეგებთან.

„სისტემატიური კომუნიკაცია მაქვს სხვადასხვა ქვეყნის ტრანსპორტის, ტურიზმის მინისტრებთან, იმ უწყებებთან, ვინც ჩვენთან ერთად მუშაობს, რომ შევიმუშაოთ უსაფრთხო კორიდორების წესები და ჩვენმა ძალისხმევამ უკვე გამოიღო შედეგი. კონკრეტულ ქვეყნებთან გვაქვს გარკვეული მიღწევები და მომავალში სულ უფრო მეტი ქვეყანა დაასახელებს საქართველოს, როგორც ერთ-ერთ პირველ ქვეყანას, სადაც მათი ქვეყნის ტურისტები ჩავლენ", - აღნიშნა ნათია თურნავამ.

მისივე თქმით, ისრაელის სამთავრობო სტრუქტურებმა უკვე დაასახელეს საქართველო, როგორც ერთ-ერთი იმ უსაფრთხო ქვეყანათაგანი, სადაც შედარებით ნორმალური ეპიდსიტუაციიდან და  მთავრობის მიერ გატარებული ეფექტური ზომებიდან გამომდინარე,  ვარაუდობენ, რომ მათი ტურისტები ჩავლენ.

მინისტრის განცხადებით, მუშაობა გრძელდება სხვა ქვეყნებთანაც, მათ შორის ევროპის, ბალტიისპირეთისა და რეგიონის ქვეყნებთან.

ნათია თურნავას განმარტებით, ყოველივე აქედან გამომდინარე, სავარაუდოდ, სულ მალე კონკრეტული მიმართულებებით ფრენების აღდგენაზე დასახელდება არა მხოლოდ ავიაკომპანიებიდან დასტური, არამედ კონკრეტული თარიღები.

მისივე თქმით, დღეის მონაცემებით, უკვე 20-ზე მეტმა ავიაკომპანიამ დაადასტურდა პირველივე შესაძლებლობებისთანავე რეგულარული ფრენების აღდგენის მზადყოფნა.

„ეს არის ორკომპონენტიანი ამოცანა.  ერთი ეს არის პირდაპირი ფრენები და ავიაკომპანიები მზად არიან,  ყველა უსაფრთხო წესების დაცვით ფრენების დაწყებისთვის. მეორე მნიშვნელოვანი კომპონენტია  ქვეყნების მთავრობებს შორის შეთანხმება. აქაც ჩვენ აქტიურად ვმუშაობთ, თუ რა წესებით იფუნქციონირებს უსაფრთხო ტურიზმი და უსაფრთხო დერეფნები", - აღნიშნა ეკონომიკისა და მდგრადი განვითრების მინისტრმა.

მინისტრმა ასევე ხაზგასმით აღნიშნა, ქვეყანაში დივერსიფიციცრებული პროდუქტის არსებობაზე, რაც ამ დროისთვის ტურისტული ზონის ერთერთი უმნიშვნელოვანესი კომპონენტია.

ნათია თურნავას განცხადებით, საქართველოს ყველა წინაპირობაა გააჩნია იმისთვის, რომ ნამდვილად ვიყოთ პირველი ქვეყანა, ვინც ყველა ამ უსაფრთხო კორიდორში მონაწილე იქნება იმიტომ, რომ ჩვენ  ძალიან დიდი გამოცდილება დავაგროვეთ სამედიცინო გაიდლაინების და წესების დაცვით ისე, რომ ეპიდემიოლოგიური სიტუაცია სანიმუშოდ ვმართეთ.

„ჩვენ გვაქვს ძალიან დივერსიფიცირებული ტურისტული პროდუქტი ანუ იგივე ღია ცის ქვეშ არსებული ძალიან ბევრი საინტერესო ლოკაცია, სადაც უსაფრთხოდ და სიამოვნებთ ჩამოვა უცხოელი ტურისტი. აქედან გამომდინარე, ჩვენ საკმაოდ ოპტიმისტურად ვუყურებთ ტურისტული სეზონის გახსნის პერსპექტივას", - აღნიშნა ნათია თურნავამ.