სომხეთის პრეზიდენტს კორონავირუსით გამოწვეული ორმხრივი პნევმონია აქვს - სომხური მედია თემაზე

სომხეთის პრეზიდენტი არმენს სარქისიანი, რომელსაც კორონავირუსი დაუდასტურდა, კლინიკაში გადაიყვანეს.

ამის შესახებ ინფორმაციას პრეზიდენტის პრესსამსახურზე დაყრდნობით მედია „სომხეთის ახალი ამბები“ ავრცელებს.

ამაზე ადრე არმენ სარქისიანი მკურნალობას სახლის პირობებში გადიოდა.

„დაავადება ამ ეტაპზე გართულებებით მიმდინარეობს. პრეზიდენტ სარქისიანს ვირუსისთვის დამახასიათებელი სიმპტომები აქვს, მათ შორის მაღალი ტემპერატურა და ორმხრივი პნევმონია აღენიშნება“, - აცხადებენ სარქისიანის პრესსამსახურში.

შეგახსენებთ, რომ სომხეთის პრეზიდენტის კორონავირუსით ინფიცირების შესახებ ინფორმაცია 5 იანვარს გახდა ცნობილი.