თბილისის საქალაქო სასამართლოში ნიკა მელიას პროცესი ჩაინიშნა, - აღნიშნული ინფორმაცია "ფაქსინტერნიუსს" ნიკა მელიას ადვოკატმა გიორგი კონდახიშვილმა დაუდასტურა.

სხდომა 8 აპრილს, 11:00 საათზე გაიმართება. აღნიშნულ პროცესზე სავარაუდოდ, ნიკა მელიასათვის შეფარდებული აღკვეთის ღონისძიება პატიმრობა გადაისინჯება.

შეგახსენებთ, რომ “ერთიანი ნაციონალური მოძრაობის“ თავმჯდომარეს, ნიკა მელიას აღკვეთის ღონისძიების სახით პატიმრობა 17 თებერვალს შეეფარდა. საქმეს მოსამართლე ნინო ჩახნაშვილი განიხილავდა.

ამასთან, ნიკა მელია 23 თებერვალს, სპეციალური დანიშნულების რაზმმა პარტიის ოფისში, საკუთარ კაბინეტში აიყვანა.