ესტონეთის ყოფილი პრეზიდენტი - რუსულ ოკუპაციას როგორ დაძლევთ მაშინ, როდესაც მეზობელი უკრაინისთვის არაფერს აკეთებთ?

ესტონეთის ყოფილი პრეზიდენტი თომას ჰედრიკ ილვესი აცხადებს, რომ საქართველოს სურს საერთაშორისო საზოგადოება რუსული ოკუპაციის დაძლევაში დაეხმაროს, მაშინ, როდესაც არაფერს აკეთებს მეზობელი უკრაინის დასახმარებლად, რომელსაც ემუქრებიან.

მისივე თქმით, მაშინ, როდესაც 2008 წლის ომი იყო ის არა მხოლოდ საუბრობდა ამის შესახებ, არამედ საქართველოში ჩამოვიდა.

„როდესაც 2008 წელს საქართველო-რუსეთის ომი იყო, მე არა მხოლოდ ვსაუბრობდი ამის შესახებ, არამედ ვითარების ეპიცენტრში, საქართველოში ჩამოვედი. ამიტომ მიკვირს, როგორ ელოდებით, რომ საერთაშორისო საზოგადოება რუსული ოკუპაციის დაძლევაში დაგეხმარებათ, მაშინ, როდესაც არაფერს აკეთებთ მეზობელი უკრაინისთვის, რომელსაც ემუქრებიან?“, - აცხადებს თომას ჰედრიკ ილვესი.