აშშ-ს პრეზიდენტმა ჯო ბაიდენმა ვლადიმერ ზელენსკი გააფრთხილა, რომ არსებობს "მკვეთრი შესაძლებლობა" იმისა, რომ რუსეთი უკრაინაში მომავალ თვეში შეიჭრას. ამის შესახებ ინფორმაციას თეთრი სახლი ავრცელებს. 

იმავდროულად, რუსეთი აცხადებს, რომ კრიზისის გადაწყვეტაში „ოპტიმიზმის მცირე საფუძველს“ ხედავს მას შემდეგ, რაც აშშ-მა უარყო რუსეთის მთავარი მოთხოვნები.

აშშ-ის პრეზიდენტმა ეს კომენტარი ხუთშაბათს უკრაინის პრეზიდენტ ვოლოდიმირ ზელენსკისთან სატელეფონო საუბარში გააკეთა.

„პრეზიდენტმა ბაიდენმა თქვა, რომ არსებობს აშკარა შესაძლებლობა, რომ რუსებმა თებერვალში შეიჭრას უკრაინაში“, - განაცხადა თეთრი სახლის ეროვნული უშიშროების საბჭოს სპიკერმა ემილი ჰორნმა.

საუბრისას პრეზიდენტმა ბაიდენმა „დაადასტურა შეერთებული შტატების მზადყოფნა თავის მოკავშირეებთან და პარტნიორებთან ერთად გადამწყვეტი რეაგირებისთვის, თუ რუსეთი კვლავ შეიჭრება უკრაინაში“, - ნათქვამია თეთრი სახლის განცხადებაში.

ბ-ნმა ზელენსკიმ თქვა, რომ მათ "განიხილეს ბოლო დიპლომატიური ძალისხმევა დეესკალაციის შესახებ და შეთანხმდნენ ერთობლივ ქმედებებზე მომავლისთვის".

ცნობისთვის, ნოემბრის დასაწყისში რუსეთმა უკრაინის აღმოსავლეთ საზღვარზე ასი ათასი ჯარისკაცი განალაგე. მას შემდეგ ვითარება დაძაბულია. ვლადიმერ პუტინი ითხოვს გარანტებს, რომ ნატო-ს აღმოსავლეთით გაფართოება არ მოხდება.