ომის შესწავლელ ინსტიტუტი - უკრაინამ, როგორც ჩანს, მოიგო ხარკოვისთვის ბრძოლა

რუსმა სამხედროებმა სრულიად დატოვეს პოზიციები ხარკოვის გარშემო, რაც გამოწვეულია ერთის მხრივ, უკრაინის კონტრშეტევის და მეორეს მხრივ შეზღუდული გაძლიერების გამო, - ამის შესახებ, წერს ომის შესწავლის ამერიკული ინსტიტუტი (ISW) თავის განცხადებაში.

„უკრაინამ, როგორც ჩანს, მოიგო ხარკოვისთვის ბრძოლა. უკრაინულმა ძალებმა ხელი შეუშალა რუსულ ჯარებს ხარკოვის ალყაში მოქცევაში, რომ აღარაფერი ვთქვათ მის აღებაზე და შემდეგ განდევნეს ისინი ქალაქის მიღმა, როგორც ეს გააკეთეს რუსეთის ჯარებმა, რომლებიც ცდილობდნენ კიევის აღებას. ნათქვამია კვლევაში.

ISW ექსპერტები აღნიშნავენ, რომ უკრაინული ძალები, სავარაუდოდ, შეეცდებიან გაჭრან ბელგოროდსა და რუს ჯარებს შორის არსებული სახმელეთო ხაზთაგან მინიმუმ ერთი, ყველაზე დასავლეთით, იზიუმის გარშემო.

თუმცა, რუსეთი იყენებს რამდენიმე ასეთ ხაზს, მათ შორის ისეთებს, რომლებიც შორს არიან უკრაინის შეიარაღებული ძალების პოზიციებიდან და ნაკლებად სავარაუდოა, რომ წინ მიმავალი უკრაინული ჯარები მათთან მალე მოხვდებიან, აღნიშნავს ISW.

რუსული ჯარების ძირითადი ძალისხმევა კვლავ მიმართულია ჩრდილოეთიდან და სამხრეთიდან სევეროდონეცკისა და ლისიჩანსკის ალყაში მოქცევაზე. ჩრდილოეთიდან სამხრეთისკენ მიმავალმა რუსმა ჯარებმა ვერ შეძლეს მდინარე სევერსკი დონეცის ძალით გაყვანა და სერიოზული დანაკარგები განიცადეს.

„რუსებს შესაძლოა არ ჰქონდეთ საკმარისი ახალი საბრძოლო ძალა ამ დანაკარგების ასანაზღაურებლად და განაგრძონ შეტევა საკმარისად დიდი მასშტაბით, რათა დაასრულონ [სევეროდონეცკისა და ლისიჩანსკის] ალყა, თუმცა ისინი, სავარაუდოდ, გააგრძელებენ ამის გაკეთებას“, - წერს ISW.



გერმანია მზადაა უნგრეთის გარეშე, რუსულ ნავთობზე ემბარგოს დაწესებას მხარი დაუჭიროს
საქართველოს ბანკთან პარტნიორობით სასტუმრო-სანატორიუმი „ბორჯომი პალასის“ რეაბილიტაცია დასრულდა
ზელენსკი - ნუ შეუქმნით აგრესორს შთაბეჭდილებას, რომ მსოფლიო არ გაუწევს საკმარის წინააღმდეგობას
პესკოვი აცხადებს, რომ პუტინი ვერ ხედავს ვიქტორ მედვედჩუკის „აზოვსტალის“ მებრძოლებზე გაცვლის შესაძლებლობას