წილოსანი - „სირცხვილიას“ აქციაზე გაჟღერებულ მოთხოვნებს რა თქმა უნდა, სერიოზულად არ აღვიქვავთ

"სირცხვილიას" ინიცირებულ აქციაზე გაჟღერებული ეს მოთხოვნები არანაირად არ ანიჭებს აღნიშნულ საკითხებს ლეგიტიმაციას და რა თქმა უნდა, ამას არც სერიოზულად აღვიქვათ, - ასე აფასებს "ქართული ოცნების" დეპუტატი, ნინო წილოსანი სახალხო მოძრაობის მოთხოვნებს. 

მისი თქმით, ევროკავშირში გასაწევრიანებლად ხელისუფლებამ ყველაფერი გააკეთა და დაწყებულ საქმეს წლის ბოლომდეც მიიყვანენ შედეგამდე.  

"მთავრობის გადადგომაზე, დროებითი მთავრობის შექმნაზე და მსგავს არალეგიტიმურ მოთხოვნებზე ჩვენ არაერთი ფორმატით ვისმენთ გაჟღერებულ წინადადებებს, ახლა "სირცხვილიას" ინიცირებულ აქციაზე გაჟღერებული ეს მოთხოვნები არანაირად არ ანიჭებს აღნიშნულ საკითხებს ლეგიტიმაციას და რა თქმა უნდა, ამას არც სერიოზულად აღვიქვათ და იმედი მაქვს, რომ იქ მდგომი ადამიანებიც საკმაოდ სკეპტიკურად უყურებენ, იმიტომ რომ ევროკავშირში გასაწევრიანებლად ჩვენმა ხელისუფლებამ ყოველ ეტაპზე გადადგა სათანადო ნაბიჯი და ასევე გადადგამს წლის ბოლომდე, რომ საბოლოოდ მივიყვანოთ შედეგამდე", - თქვა ნინო წილოსანმა. 

ცნობისთვის, 24 ივნისს, რუსთაველის გამზირზე, პარლამენტის წინ ორგანიზებულ აქციაზე სახალხო მოძრაობამ ხელისუფლებას პირობები წაუყენა, რის შესასრულებლად ერთი კვირა მისცა. როგორც „სირცხვილიას“  წევრმა, შოთა დიღმელაშვილმა განაცხადა, უნდა გადადგეს საქართველოს პრემიერი ირაკლი ღარიბაშვილი და ეროვნული თანხმობით შეიქმნას მთავრობა, რომელიც ევროკომისიის გაწერილ 12-ვე პუნქტს შეასრულებს. 



გზა წარმატებისკენ - დაიწყე კარიერა თეგეტაში
Global Finance-მა „საქართველოს ბანკის” მობილური აპლიკაცია ცენტრალურ და აღმოსავლეთ ევროპაში საუკეთესოდ დაასახელა
შეხვედრა ფოტოგრაფ ჯონ სტენმეიერთან „თიბისი“ კონცეპტში
მოსკოვის სასამართლომ რუსეთში „პირველი არხის” ყოფილ თანამშრომლ 2 თვიანი წინასწარი შინაპატიმრობა მიუსაჯა