ხაშურის მუნიციპალიტეტში, ცხრამუხის დედათა მონასტერში ყაჩაღობისა და გაუპატიურების ბრალდებით 2 პირი დააკავეს.

გავრცელებული ინფორმაციით, ისინი მონასტრის დაყაჩაღებას ცდილობდნენ, რა დროსაც მონაზონზე ფიზიკურად და სექსუალურად იძალადეს.

"ვიღაცა მისულა მონასტერში და უცემია დედაო. ძალიან არის ნაცემი, გადაიყვანეს ჯერ ხაშურის კლინიკაში, შემდეგ თბილისში. მრევლმა წაიყვანა. ფაქტი გუშინ, დაახლოებით 6 საათზე მოხდა", - განაცხადა"პირველებთან" საუბრისას მრევლმა.

დედათა მონასტრის მკვიდრი, დედა ანა მძიმე დაზიანებებით თავდაპირველად ხაშურის ერთ-ერთ კლინიკაში შეიყვანეს, თუმცა შემდეგ მისი გადმოყვანა თბილისში გახდა საჭირო.

გამოძიება სისხლის სამართლის კოდექსის 179-ე და 137-ე მუხლებით მიმდინარეობს, რაც ყაჩაღობას და გაუპატიურებას გულისხმობს.